Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 5.6 | Dem. 5.10 (English) | >>Dem. 5.13 |
5.8καίτοι τοῦτό γʼ ὑμᾶς οἶμαι νῦν ἅπαντας ᾐσθῆσθαι , ὅτι τὴν τότʼ ἄφιξιν εἰς τοὺς πολεμίους ποιησάμενος ὑπὲρ τοῦ τἀκεῖ χρήματʼ ὀφειλόμενʼ , ὡς ἔφη , κομίσας δεῦρο λῃτουργεῖν , καὶ τούτῳ τῷ λόγῳ πλείστῳ χρησάμενος , ὡς δεινὸν εἴ τις ἐγκαλεῖ τοῖς ἐκεῖθεν ἐνθάδε τὰς εὐπορίας ἄγουσιν , ἐπειδὴ διὰ τὴν εἰρήνην ἀδείας ἔτυχεν , ἣν ἐνθάδʼ ἐκέκτητʼ οὐσίαν φανεράν , ταύτην ἐξαργυρίσας πρὸς ἐκεῖνον ἀπάγων οἴχεται .
5.9δύο μὲν δὴ ταῦθʼ ὧν προεῖπον ἐγὼ μαρτυρεῖ τοῖς γεγενημένοις λόγοις ὀρθῶς καὶ δικαίως , οἷά περ ἦν , ἀποφανθένθʼ ὑπʼ ἐμοῦ · τὸ τρίτον δʼ , ὦ ἄνδρες Ἀθηναῖοι , (καὶ μόνον ἓν τοῦτʼ εἰπὼν ἔτι καὶ δὴ περὶ ὧν παρελήλυθʼ ἐρῶ ,) ἡνίκα τοὺς ὅρκους τοὺς περὶ τῆς εἰρήνης ἀπειληφότες ἥκομεν οἱ πρέσβεις ,
5.10τότε Θεσπιάς τινων καὶ Πλαταιὰς ὑπισχνουμένων οἰκισθήσεσθαι , καὶ τοὺς μὲν Φωκέας τὸν Φίλιππον , ἂν γένηται κύριος , σώσειν , τὴν δὲ Θηβαίων πόλιν διοικιεῖν , καὶ τὸν Ὠρωπὸν ὑμῖν ὑπάρξειν , καὶ τὴν Εὔβοιαν ἀντʼ Ἀμφιπόλεως ἀποδοθήσεσθαι , καὶ τοιαύτας ἐλπίδας καὶ φενακισμούς , οἷς ὑπαχθέντες ὑμεῖς οὔτε συμφόρως οὔτʼ ἴσως καλῶς προεῖσθε Φωκέας , οὐδὲν τούτων οὔτʼ ἐξαπατήσας οὔτε σιγήσας ἐγὼ φανήσομαι , ἀλλὰ προειπὼν ὑμῖν , ὡς οἶδʼ ὅτι μνημονεύετε , ὅτι ταῦτʼ οὔτʼ οἶδα οὔτε προσδοκῶ , νομίζω δὲ τὸν λέγοντα ληρεῖν .
ταῦτα τοίνυν ἅπανθʼ , ὅσα φαίνομαι βέλτιον τῶν ἄλλων προορῶν , οὐδʼ εἰς μίαν , ὦ ἄνδρες Ἀθηναῖοι , οὔτε δεινότητʼ οὔτʼ ἀλαζονείαν ἐπανοίσω , οὐδὲ προσποιήσομαι διʼ οὐδὲν ἄλλο γιγνώσκειν καὶ προαισθάνεσθαι πλὴν διʼ ἃν ὑμῖν εἴπω , δύο · ἓν μέν , ὦ ἄνδρες Ἀθηναῖοι , διʼ εὐτυχίαν , ἣν συμπάσης ἐγὼ τῆς ἐν ἀνθρώποις οὔσης δεινότητος καὶ σοφίας ὁρῶ κρατοῦσαν ·
5.11
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 5.6 | Dem. 5.10 (English) | >>Dem. 5.13 |